Admisión e matriculación de alumnado en centros públicos en Galicia para o curso 2020 - 2021

O día 1 de febreiro iníciase o procedemento de admisión e matriculación do alumnado de Educación Infantil, Educación Primaria, ESO e Bacharelato para o curso 2020- 2021. 

CALENDARIO DO PROCESO DE ADMISIÓN:

Reserva de praza para o centro ao que se estea adscrito	Do 1 ao 17 de febreiro
Data do sorteo público da letra a efectos de desempate	Última semana de febreiro
Publicación de postos escolares vacantes	Antes do 1 de marzo
Presentación en prazo ordinario de solicitudes de admisión (alumnado que cambie de centro para seguir cursando a mesma ensinanza ou para estudos superiores nun centro non adscrito)	Do 1 ao 20 de marzo (Lembrar que o 19 de marzo é festivo e o 20 pode ser ponte nalgúns centros)
Presentación documentación acreditativa dos criterios de baremo	10 días hábiles contados a partir dos 2 días seguintes ao remate do prazo para presentar as solicitudes de admisión
Publicación das listaxes provisionais de persoas admitidas e non admitidas	Antes do 25 de abril
Reclamacións (realizarase ante o Consello Escolar nos centros públicos, e ante o titular nos centros privados concertados)	Prazo máximo de 5 días hábiles a partir do día seguite á súa publicación
Publicación das listaxes definitivas de persoas admitidas e non admitidas	Antes do 15 de maio
Formalización da matrícula en Educación Infantil e Primaria	Do 20 ó 30 de xuño
Formalización da matrícula en ESO e bacharelato	Do 25 de xuño  ó 10 de xullo
Prazo extraordinario de formalización de matrícula en ESO e bacharelato	Do 1 ó 10 de setembro

• As listaxes de admitidos e non admitidos publicaranse nos taboleiros de anuncios dos centros educativos. Toda a información sobre proceso de admisión publícase nos centros educativos por todos os medios que teñan dispoñibles.

• Cada alumna e alumno só pode presentar unha única solicitude no centro no que solicite praza en primeiro lugar, en caso de duplicidade de solicitude esta suporá a perda dos dereitos de prioridade que poidan corresponderlle.

• O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

• O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión (o último día para a renuncia da reserva é o 29 de febreiro).

• No caso de solicitar praza en datas posteriores ao prazo fixado, realizarase na Inspección de Educación Secundaria, no Departamento Territorial da Consellería de Educación e Ordenación Universitaria.

CRITERIOS A SEGUIR PARA A SOLICITUDE:

• As solicitudes de reserva e de admisión de alumnado realizaranse mediante a cumplimentación do formulario de admisión, o cal se pode cumplimentar na aplicación informática "admisionalumnado" (/www.edu.xunta.es/admisionalumnado/) ou ser descargados e cumprimentados de forma manual polas familias. 
• O alumnado que pretenda continuar estudos nun centro de adscrición, para reservar praza, deberá presentar no centro de orixe ou a través de internet o formulario de solicitude (Formulario ED550A).
• O alumnado que solicite praza nun centro non adscrito solicitará a admisión a través de internet  ou de forma presencial no centro docente indicado como primeira opción ou en calquera dos lugares e rexistros establecidos utilizando o formulario de solicitude (Formulario ED550B). Na solicitude pódese relacionar ata 6 centros por orde de preferencia.
• Os formularios serán facilitados gratuitamente nos centros e tamén estarán dispoñibles na páxina web da consellería:   https://www.edu.xunta.es/admisionalumnado/#
• Poderase consultar o estado de tramitación da solicitude a través da aplicación informática utilizando o código de solicitude e o número de DNI da persoa solicitante.
• Todas as solicitudes que non pudiesen obter praza nos centros solicitados serán remitidas á comisión de escolarización que lles asignará praza nos centros onde teñan vacantes tendo en conta, cando sexa posible, as preferencias dos pais indicadas na solicitude e a puntuación obtida por aplicación do baremo.

CRITERIOS DE ADMISIÓN:

Ver orde do ORDE do 12 de marzo de 2013.

SORTEO PÚBLICO DAS LETRAS DE PRIORIDADE:

• Anuncio do sorteo.
• Resolución do sorteo das letras de prioridade para o desempate no procedemento de admisión.
• Resultado do sorteo 2020:
Letras primeiro apelido: "T" e "G"
Letras segundo apelido: "E" e "X"

1. No sorteo extraeranse catro letras do abecedario, que determinarán, correlativamente, a primeira e segunda letra do primeiro apelido e a primeira e segunda letra do segundo apelido. 
2. As catro extraccións levaranse a cabo con todas as letras. 
3. A orde de prelación comezará pola/o solicitante cuxo primeiro apelido comece coas dúas primeiras letras extraídas e, se non houber ningún, continuarase pola/o seguinte solicitante por orde alfabética. 
4. No caso de coincidencia no primeiro apelido entre varias/os alumnas/os, comezarase por aquela/aquel cuxo segundo apelido comece coa terceira e cuarta letras extraídas e, se non houber ningún, pola/o seguinte solicitante por orde alfabética.
5. No caso de coincidencia do primeiro e segundo apelido entre varias/os solicitantes, acudirase como criterio de desempate ao nome, por orde alfabética; en caso de persistir, dirimirase por sorteo.
6. Cando os apelidos vaian precedidos de preposicións, conxuncións ou artigos, estes non serán tidos en conta.

SOLICITUDE DE ADMISIÓN PARA ALUMNADO CON NECESIDADES ESPECÍFICAS DE APOIO EDUCATIVO:

• Cada centro deberá reservar 3 postos escolares por unidade nos seguintes cursos: 4º de Educación Infantil, 1º de Educación Primaria e 1º de Educación Secundaria. 
• Na solicitude de admisión os pais ou representantes legais deberán manifestar expresamente que ocupan unha praza reservada para alumnado con NEAE derivadas de:

- Discapacidade física, psíquica ou sensorial. 

- Sobredotación intelectual. 

- Trastornos graves de conduta. 

- Situación desfavorecida como consecuencia de factores sociais, económicos ou culturais. 

• Xunto coa solicitude deberán achegar a documentación xustificativa das circunstancias manifestadas. 
• Os centros deberán remitir as solicitudes xunto coa avaliación psicopedagóxica inicial no prazo máximo de 10 días hábiles á xefatura territorial, para a súa valoración no Equipo de Orientación Específico. 

DETERMINACIÓN DO NÚMERO DE ALUMNOS/AS POR UNIDADE ESCOLAR:

Para estimar as vacantes en cada un dos niveis, o número de alumnos/as por unidade é o seguinte:

- Segundo ciclo de EI e EP: 25 por unidade. 

- ESO: 30 por grupo. 

- Bacharelato: 33 por grupo. 

DOCUMENTACIÓN E ANEXOS COS FORMULARIOS:

• FORMULARIO ED550A de Reserva de praza no centro adscrito
• FORMULARIO ED550B: Formulario de admisión para centros non adscritos
• Enlace coa aplicación para a solicitude por internet. 

CALENDARIO DE MATRICULACIÓN:

• Educación Infantil e Educación Primaria: Do 20 ao 30 de xuño.
• Educación Secundaria Obrigatoria e Bacharelato: Do 25 de xuño ao 10 de xullo.
• Prazo extraordinario para ESO e Bacharelato: Do 1 ao 10 de setembro. 

NORMATIVA:

• Decreto 254/2012, do 13 de decembro: Admisión de alumnado en centros docentes sostidos con fondos públicos (DOG)
• Orde do 12 de marzo de 2013 pola que se desenvolve o procedemento para a admisión do alumnado (DOG)
• Corrección de erros da Orde do 12 de marzo de 2013 (DOG)
• Orde do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado.
• Instrucións do proceso de admisión 2020/2021_ Dirección Xeral de Centros e Recursos humanos. 

MÁIS INFORMACIÓN:

• Na web da Consellería e na aplicación. 
• Nos propios centros educativos.
• Nos Departamentos Territoriais da Consellería de Cultura, Educación e Ordenación Universitaria.
• En A Coruña: Xefatura Territorial da Consellería de Cultura, Educación y Ordenación Universitaria. DIRECCIÓN: Calle Vicente Ferrer (Edif. Adm. Xunta).