Instrucións para a admisión en Arte Dramática 2023/2024

A Consellería de Educación publica as instrucións para o acceso a Arte Dramática en 2023/2024 na Resolución do 4 de abril

Imaxe da ESAD de Galicia

Revisar as datas na Resolución do 4 de abril

REQUISITOS DE ACCESO:

1º Cumprir un dos seguintes requisitos académicos:

• Título de Bacharelato. No caso de ter materias pendentes de bacharelato poderanse inscribir no proceso de acceso e admisión e realizar a dita proba, e no caso de superala, poderán optar á asignación da praza solicitada, unha vez estean en posesión do título de bacharelato.
• Título de licenciado ou graduado universitario
• Ter superada a Proba de acceso á universidade para maiores de 25 anos.
• Estar en posesión dun título de ensinanzas artísticas superiores.
• Ter o título de técnico superior.
• Para os que non cumpren os requisitos académicos e teñen 18 anos ter superada unha proba de acceso. (Proba substitutiva dos requisitos de titulación)

2º Superar unha Proba específica:

• Superar unha proba específica, obrigatoria para todos os que soliciten admisión e cumpran os requisitos académicos ou superen a proba substitutiva. 
• De conformidade co establecido no artigo 4.1 da Orde do 21 de novembro de 2016, a proba específica de acceso aos estudos superiores de Arte Dramática terá por obxecto demostrar que o aspirante posúe a madureza, os coñecementos e as aptitudes para cursar con aproveitamento estes estudos, e axustarase ao disposto no artigo 5 da citada orde, segundo a especialidade para a que se opte.

INSCRICIÓN NO PROCESO:

• Prazo comprendido entre o 25 de abril e o 22 de maio de 2023.
• Os aspirantes con discapacidade poderán solicitar adaptación das probas. Resérvase un 10% das prazas en caso de discapacidade de 33% ou superior. 
• Resérvanse prazas para deportistas de alto rendemento e/ou nivel. 
• Con carácter xeral, as solicitudes deberán realizarse de maneira telemática cubrindo o formulario dispoñible en www.edu.xunta.es/reximeespecial, e empregando o certificado dixital ou sistema de usuario e clave Chave365 (https://sede.xunta.gal/chave365). 
• Non obstante, tamén se poderá formalizar a inscrición directamente na Secretaría da Escola superior de Arte Dramática de Galicia. 

PROBA PARA QUEN NON CUMPRA OS REQUISITOS ACADÉMICOS (PROBA SUBSTITUTIVA DOS REQUISITOS DE TITULACIÓN):

• Celébrase o día 30 de maio no IES San Clemente, de Santiago de Compostela.
• Ver horarios e características da proba na Resolución do 4 de abril  (Anexo I)
• Publicación das cualificacións definitivas: o día  2 de xuño, no taboleiro de anuncios de cada centro e do portal http://www.edu.xunta.gal
• Validez da proba: Permanente en todo o territorio nacional.

PROBA ESPECÍFICA:

• Data e lugar de celebración: Comezarán o 3 de xullo na sede da Escola Superior de Arte Dramática de Galicia (Vigo), de acordo co calendario establecido polos tribunais de cada especialidade. 
• Ver características da proba na Resolución do 4 de abril (Anexo II). O horario e o calendario establéceo o tribunal. 
• A superación da proba sólo faculta ó aspirante para participar no proceso de admisión.

Proba específica regulada según especialidades: 
A proba está regulada no artigo 5 da Orde do 21 de novembro de 2016.

• INTERPRETACIÓN:  Un mínimo de dúas sesións de traballo cunha duración non superior a catro horas cada unha, nas cales se realizarán diferentes actividades expresivas propias da especialidade, e nunha entrevista persoal.
• DIRECCIÓN DE ESCENA E DRAMATURXIA: Como mínimo, nun traballo escrito que implicará o desenvolvemento dunha proposta escénica, nun exercicio breve de dirección de grupos, na escrita dun texto breve a partir dunha situación dramática, e nunha entrevista persoal.
• ESCENOGRAFÍA: Como mínimo, na realización dun debuxo do natural e dun deseño escenográfico a partir dos motivos que en cada caso se propoñan, e nunha entrevista persoal.

MATRÍCULA:

O alumnado que obteña praza deberá formalizar a súa matrícula entre os días 18 e 25 de xullo.

PROCESO EXTRAORDINARIO DE ACCESO:
No caso de quedaren prazas vacantes, a Dirección Xeral de Educación, Formación Profesional e Innovación Educativa poderá establecer probas de acceso extraordinarias nos primeiros días do  mes de setembro.

É MOI IMPORTANTE consultar os seguintes ENLACES: 

• RESOLUCIÓN do 4 de abril de 2023, da Secretaría Xeral de Educación e Formación Profesional, pola que se ditan instrucións para o acceso e a admisión do alumnado ás ensinanzas artísticas superiores de Música para o curso 2023/24.
• Orde do 21 de novembro de 2016, que regula a proba específica de Arte Dramática. 
• Escola de Arte Dramática de Galicia (ESAD) e enlace ás probas. 
• Información sobre a admisión na Web da Consellería. 
• Inscrición telemática.
• Dar de alta a Chave365
• Máis sobre Arte Dramática na web da Consellería.
• Máis sobre Arte Dramática neste blog.