Estudar Danza

Estas ensinanzas poden ser: 

• Regradas: estúdanse en Conservatorios de Danza e Centros Autorizados de Danza (obtense un título con validez académica e profesional).
• Non Regradas: estúdanse en Escolas de Danza (obtense un certificado).

Imaxe de Pixabay

Estrutúranse en:

• Ensinanzas de Grao Elemental: Comprende 4 cursos académicos. Os criterios de admisión os establece cada centro, e normalmente atende ás aptitudes físicas e expresivas dos aspirantes relacionadas coa danza e co sentido musical, mediante unha proba. Neste grao non se obtén titulación, só un certificado acreditativo.

• Ensinanzas de Grao Profesional: Duración: 3 Ciclos de 2 anos cada un (6 anos en total). Acceso: Non hai límite de idade pero si hai que superar unha proba en xuño , que será diferente acorde co Ciclo ou curso no que se queira ingresar, os contidos tamén dependen da especialidade na que se queira ingresar. O alumnado que finalice estas ensinanzas poderá obter o título de bacharelato se supera unicamente as materias comúns da modalidade de Artes. Pódense simultanear estas ensinanzas coa ESO e o Bacharelato, para o cal se establecen validacións de materias. VER VALIDACIÓNS. , e ademais neste caso pódese cursar o bacharelato en tres anos. 

• Ensinanzas de Grao Superior: Duración: 1 só Ciclo de 4 cursos. Acceso: hai que cumprir os seguintes requisitos: ter o título de Bacharelato ou equivalente, e superar unha proba específica para cada especialidade. Se non se ten o bacharelato ou equivalente pódese acceder superando unha proba de acceso en xuño para maiores de 16 anos sobre algunhas materias de bacharelato. Obtense o Título Superior, que equivale a Graduado Universitario.

Especialidades: 

• GRAO MEDIO: Baile flamenco, Danza clásica, Danza Española e Danza Contemporánea.
• GRAO SUPERIOR: Pedagoxía da Danza, Coreografía e Interpretación. 

Oferta educativa:

Conservatorio Profesional de Danza de Lugo: Danza clásica e danza contemporánea.

Conservatorio Profesional de Danza da Diputación de A Coruña: Danza clásica. 

Máis información:

Normativa

Web da Consellería de Educación

Web do Ministerio de Educación
Validacións ESO e Bacharelato