Redución de ratios en Galicia a partir do curso 2024/2025

O 17 de xaneiro de 2024 publicouse no DOG unha Resolución sobre o acordo sobre medidas que melloran o funcionamento do sistema educativo e as condicións laborais do persoal funcionario e laboral docente entre a Consellería e as organizacións sindicais CC.OO., ANPE e UGT-SP Ensino.

Imaxe de Pixabay

Según esta RESOLUCIÓN do 10 de xaneiro de 2024, da Dirección Xeral de Centros e Recursos Humanos, pola que se dá publicidade do texto do Acordo entre esta consellería e as organizacións sindicais CC.OO., ANPE e UGT-SP Ensino, sobre medidas que melloran o funcionamento do sistema educativo, a partir do curso 2024/2025 redúcese progresivamente a ratio nas etapas de EI, EP, ESO e Bacharelato nas seguintes condicións:

• No curso 2024/25 iniciarase o calendario de aplicación cunha ratio máxima de 20 alumnos/as en 4º de educación infantil. Esta ratio máxima de 20 alumnos/as por aula aplicarase de forma progresiva nas etapas de educación infantil e educación primaria nos sucesivos cursos.
• As ratios máximas na ESO e no bacharelato serán de 25 e 30 alumnos/as por aula, respectivamente. A negociación do calendario de aplicación nestas etapas iniciarase coincidindo co remate da aplicación das novas ratios na etapa de educación infantil.
• Cada alumno ou alumna cunha discapacidade recoñecida igual ou superior ao 33 %, cun grao I de dependencia ou cun trastorno grave da conduta acreditado computará, para os efectos desta ratio, como dous.
• Cada alumno ou alumna cunha discapacidade recoñecida igual ou superior ao 65 % ou cun grao II ou III de dependencia acreditada computará, para os efectos desta ratio, como tres.
• Computará, para os efectos de ratios, o alumnado repetidor.
• Nas aulas que escolaricen alumnado de diferentes niveis, ciclos e/ou etapas educativas (aulas mixtas) serán de aplicación as ratios recollidas no Acordo de agrupamentos do alumnado, do 10 de xullo de 2009: