Instrucións de acceso ós Estudos Superiores de Deseño 2023/2024

Publicouse a Resolución do 4 de abril sobre o acceso ós Estudos Superiores de Deseño de Moda, Produtos, Interiores e Gráfico nas escolas de Artes de Galicia para o curso 2023-2024.

Imaxe de Pixabay

NOTA: REVISAR AS DATAS NA Resolución do 4 de abril

ESTES ESTUDOS IMPÁRTENSE NOS SEGUINTES CENTROS: 

(Ver oferta na web da Consellería.)

• Escola de arte Mestre Mateo de Santiago: Deseño de moda, Deseño de produtos
• Escola de arte Pablo Picasso de A Coruña: Deseño de interiores, Deseño gráfico
• Escola de arte Ramón Falcón de Lugo: Deseño de interiores, Deseño gráfico
• Escola de arte Antonio Faílde de Ourense: Deseño de interiores, Deseño Gráfico

REQUISITOS DE ACCESO: 

1º Cumprir un dos seguintes requisitos académicos:

• Título de Bacharelato. Aquelas persoas que teñan pendente algunha das materias do bacharelato poderán inscribirse no proceso de acceso e admisión e realizar a dita proba e, no caso de superala, poderán optar á asignación da praza solicitada, unha vez estean en posesión do título de bacharelato.
• Título de licenciado ou graduado universitario.
• Ter un título de Ciclo Superior de Artes Plásticas e Deseño (teñen acceso directo sin teren que realizaren a proba específica).
• Ter un título de técnico superior.
• Ter superada a Proba de acceso á universidade para maiores de 25 anos.
• En caso de non cumprir requisitos académicos e ter 18 anos superar unha proba de acceso (proba substitutiva dos requisitos de titulación). 

2º Superar unha proba específica de aptitudes:

• Esta proba específica é obrigatoria para todos os que soliciten admisión e cumpran os requisitos académicos, excepto para os que posúen un título de Ciclo Superior de Artes Plásticas e Deseño. 
• De conformidade co establecido no artigo 4.1 e 4.2 da Orde do 21 de novembro de 2016, a proba específica de acceso aos estudos superiores de Deseño terá por obxecto demostrar que o aspirante posúe a madureza, os coñecementos e as aptitudes para cursar con aproveitamento estes estudos, será única para as diferentes especialidades destes estudos superiores, e terá carácter unificado para todos os aspirantes.
• A superación da proba solo faculta ó aspirante para participar no proceso de admisión.
• Os aspirantes con algunha discapacidade poderán solicitar unha adaptación da proba acreditando documentalmente a súa condición de discapacidade (acreditación oficial). Resérvase un 10% das prazas en caso de discapacidade de 33% ou máis. 
• Resérvanse prazas para deportistas de alto rendemento e/ou nivel. 

ACCESO DIRECTO: 

• Terán acceso directo, sin ter que realizar esta proba específica de aptitudes os que teñan un título de Técnico superior en artes plásticas e deseño, para os cales se reserva un 20% das prazas ofertadas. 
• Deberán participar igualmente no proceso de admisión. 

INSCRICIÓN NAS ENSINANZAS:

• O prazo de inscrición vai do  21 de abril ó 22 de maio de 2023 incluídos.
• Con carácter xeral, as solicitudes deberán realizarse de xeito telemático cubrindo o formulario dispoñible en www.edu.xunta.es/reximeespecial e empregando o certificado dixital ou sistema de usuario e clave Chave365 (https://sede.xunta.gal/chave365). 
• Non obstante, tamén se poderá formalizar a inscrición directamente nas secretarías das escolas de arte e superiores de deseño.

PROBA DE ACCESO PARA QUEN NON CUMPRA OS REQUISITOS ACADÉMICOS (PROBA SUBSTITUTIVA DO REQUISITO DE TITULACIÓN):

• O día 30 de maio no IES San Clemente de Santiago de Compostela.
• Ver horarios e características da proba na Resolución do 4 de abril (Anexo I)
• Publicación da listaxe de persoas que superaron a proba: 2 de xuño nos taboleiros de cada centro e no portal http://www.edu.xunta.gal/portal/node/36796
• A superación desta proba ten validez permanente en todo o Estado.

PROBA ESPECÍFICA:

• Celebrarase o 4 de xullo nas catro EASD de Galicia.
• A proba está regulada no artigo 5 da Orde do 21 de novembro de 2016 .
• Ver horarios e características da proba na Resolución do 4 de abril.
• Publicación das cualificacións: 7 de xullo nos taboleiros e na páxina web das ESAD.
• A superación da proba  faculta, unicamente, para matricularse no curso académico para a que fose convocada.

1ª Parte da proba: Durante un máximo de dúas horas, a partir dun texto, imaxe e/ou material audiovisual proporcionado polo tribunal, os/as aspirantes deberán facer por escrito un comentario crítico e razoado e responder á/s cuestión/s que o tribunal lles formule ao respecto. Nesta parte da proba, o tribunal valorará:

• A comprensión dos conceptos, a utilización da linguaxe, a capacidade de análise e síntese e o nivel expresivo e expositivo amosados.
• A capacidade para desenvolver razoadamente ideas e argumentos.
• O coñecemento dos valores significativos do deseño en xeral no contexto histórico, cultural e socioeconómico.
• A identificación e valoración dos movementos artísticos e intelectuais máis representativos en relación co deseño.

2ª Parte: Durante un máximo de catro horas, os aspirantes realizarán dous exercicios de debuxo: 

• 1º exercicio: debuxo mimético a man alzada, do natural ou a partir da documentación facilitada, dun modelo relacionado coa especialidade que se aspira a cursar, proposto polo tribunal, realizado a lapis de grafito sobre papel tamaño DIN A4. 2. 
• 2º exercicio: debuxo a man alzada, utilizando os sistemas e técnicas de representación máis apropiadas aos estudos que se aspira a cursar, que serán definidos polo tribunal, do modelo do exercicio anterior

Nesta parte da proba o tribunal valorará a fidelidade representativa, os coñecementos amosados e a exactitude e limpeza da execución. 

PUBLICACIÓN DA LISTAXE DE ADMITIDOS EN CADA ESCOLA E ESPECIALIDADE, POR QUENDA DE ACCESO DIRECTO E POR PROBA: 

1ª Adxudicación:  17 de xullo 

2ª Adxudicación: 26 de xullo

No portal  http://www.edu.xunta.gal 

MATRÍCULA NAS ENSINANZAS SUPERIORES DE DESEÑO:
1ª Adxudicación:  19 e 21 de xullo.
2ª Adxudicación: 27 e 28 de xullo.

PROCESO EXTRAORDINARIO DE ADMISIÓN:

No caso de quedaren prazas vacantes, o centro poderá realizar probas de acceso extraordinarias o 7 de setembro. 

Matrícula: 8 e 11 de setembro. 

É MOI IMPORTANTE CONSULTAR ESTES ENLACES PARA INFORMARSE:

• RESOLUCIÓN de 4 de abril de 2023, de la Secretaría General de Educación y Formación Profesional, por la que se dictan instrucciones para el acceso y la admisión del alumnado a las enseñanzas artísticas superiores de Diseño para el curso 2023/24.
• ORDE do 21 de novembro de 2016 pola que se regula a ordenación das ensinanzas artísticas superiores de Deseño e a proba específica. 
• Folleto informativo
• Proba específica.
• Web da Consellería de Educación.
• Inscrición telemática.
• Dar de alta a Chave365
• Máis sobre os Estudos Superiores de Deseño.