Instrucións de acceso á Escola Superior de Conservación e Restauración de Bens Culturais 2023/2024

Publicouse a Resolución do 4 de abril  coas instrucións para o acceso e admisión no Grao de Conservación e Restauración de Bens Culturais en Galicia para o curso 2023-2024.

Restauración del Pórtico de la Gloria

NOTA: REVISAR AS DATAS NA RESOLUCIÓN DO 7 DE ABRIL

INSCRICIÓN NAS ENSINANZAS:

• O prazo para inscribirse vai do 22 de abril ó 22 de maio de 2023. 
• E ata o 26/06/2023 para as persoas que non teñan que realizar a proba substitutiva do requisito de titulación
• Con carácter xeral, as solicitudes deberán realizarse de xeito telemático cubrindo o formulario dispoñible en www.edu.xunta.es/reximeespecial, e empregando o certificado dixital ou sistema de usuario e clave Chave365 (https://sede.xunta.gal/chave365). 
• Non obstante, tamén se poderá formalizar a inscrición directamente na secretaría da Escola Superior de Conservación e Restauración de Bens Culturais de Galicia. 

REQUISITOS DE ACCESO:

Requisitos para o acceso directo: 
Poderá acceder ás ensinanzas superiores de Conservación e Restauración de Bens Culturais sen necesidade de realizar esta proba específica de aptitudes quen estea en posesión dun título de técnico superior de Artes Plásticas e Deseño, para os cales se reserva un 20% das prazas. 
Deberán formalizar igualmente a súa inscrición no proceso de acceso e admisión segundo o procedemento e calendario establecido nesta resolución.

Requisitos para o acceso mediante proba: 

1º Cumprir un dos seguintes requisitos académicos:

• Título de Bacharelato. Aquelas persoas que teñan pendente algunha das materias do bacharelato poderán inscribirse no proceso de acceso e admisión e realizar a dita proba, e, no caso de superala, poderán optar á asignación da praza solicitada, unha vez que estean en posesión do título de bacharelato.
• Título de licenciado ou graduado universitario.
• Ter superada a Proba de acceso á universidade para maiores de 25 anos.
• Título de Técnico Superior.
• Para os que non cumpren os requisitos académicos e teñen 18 anos ter superada unha proba de acceso.  (proba substitutiva dos requisitos de titulación)

2º Superar unha proba específica de aptitudes:

• Esta proba específica é obrigatoria para todos os que soliciten admisión e cumpran os requisitos académicos. 
• De conformidade co establecido no artigo 5 da Orde do 21 de novembro de 2016, a proba específica de acceso aos estudos superiores de Conservación e Restauración de Bens Culturais terá por obxecto demostrar que o aspirante posúe a madureza, os coñecementos e as aptitudes para cursar con aproveitamento estes estudos, será única para as diferentes especialidades destes estudos superiores, e terá carácter unificado para todos os aspirantes

PROBA DE ACCESO PARA QUEN NON CUMPRA OS REQUISITOS ACADÉMICOS (proba substitutiva dos requisitos de titulación):

• O día 30 de maio  no IES San Clemente, de Santiago de Compostela.
• Ver horarios e características da proba na Resolución do 4 de abril.
• Publicación da listaxe de persoas que superaron a proba:  2 de xuño no taboleiro do centro e no portal http://www.edu.xunta.gal
• A proba ten validez permanente en todo o estado.

PROBA ESPECÍFICA:

• Celebraranse o  4 de xullo, de acordo co calendario establecido polo tribunal. Celebraranse na Escola Superior de Conservación e Restauración de Bens Culturais de Galicia.
• Os aspirantes con discapacidade poderán solicitar adaptacións na proba (Ver resolución). Resérvase un 10% das prazas ofertadas en caso de discapacidade dun 33% ou máis. 
• Resérvanse prazas para Deportistas de Alto Rendemento. 
• A superación da proba sólo faculta ó aspirante para participar no proceso de admisión.
• Ver características da proba na Resolución do 4 de abril. O calendario e os horarios serán establecidos polo tribunal.
• Publicación das cualificacións: 7 de xullo no taboleiro de anuncios e na páxina web da Escola Superior de Conservación e Restauración de Bens Culturais de Galicia
• A proba versará sobre os seguintes exercicios: 

Exercicio 1: Madureza e formación. Análise dun texto relacionado cos bens culturais que pretenderá apreciar madureza e formación xeral, especialmente no referente á comprensión de conceptos, utilización da linguaxe e capacidade de síntese e relación. A cualificación será entre 0 e 40.

Exercicio 2: Aptitude plástica. Constará das seguintes partes:

• Realización dun debuxo do natural, de enfoque mimético, con modelo real, exento e inanimado. Valorarase a fidelidade na representación, a calidade do grafismo e a precisión e acabamento do traballo.
• Realización dun traballo sobre representación de cor. Considerarase a correcta utilización das técnicas empregadas e o grao de comprensión dos valores e calidades de cor.
• Realización dun traballo práctico para a valoración das aptitudes específicas que requiren os estudos de Conservación e Restauración de Bens Culturais. Considerarase a habilidade manual, a meticulosidade e a pulcritude na realización do traballo.

A cualificación deste 2º exercicio, será a media aritmética da puntuación obtida e cada parte, que se cualificará entre 0 e 20.

A cualificación global da proba resultará da media ponderada das cualificacións obtidas nos distintos exercicios. O 1º ponderarase nun 40% e o 2º nun 60%. Para a superación da proba esixirase unha cualificación global igual ou superior a 5.

LISTAXE DE ADMITIDOS NAS ENSINANZAS:
O día 17 de xullo no portal edu.xunta.es

MATRÍCULA NAS ENSINANZAS: 

Entre o 18 e o 21 de xullo.

PROCESO EXTRAORDINARIO DE ADMISIÓN:

No caso de quedaren prazas vacantes, o centro poderá realizar probas de acceso extraordinarias o 7 de setembro. Matrícula: 8 e 11 de setembro.

É MOI IMPORTANTE CONSULTAR ESTES ENLACES:

• RESOLUCIÓN de 4 de abril de 2023, de la Secretaría General de Educación y Formación Profesional, por la que se dictan instrucciones para el acceso y la admisión del alumnado a las enseñanzas superiores de Conservación y Restauración de Bienes Culturales para el curso 2023/24.
• ORDE do 21 de novembro de 2016 pola que se regula a ordenación das ensinanzas artísticas superiores de Conservación e Restauración de Bens Culturais e regula a proba específica. 
• Web da Escola Superior de Conservación e Restauración
• Exemplos de probas de acceso.  (O EXERCICIO 2 ELIMÍNASE DA PROBA). Tamén podes consultar exemplos na web da escola. 
• Web da Consellería. 
• Inscrición telemática.
• Dar de alta a Chave365
• Máis sobre as Ensinanzas de Conservación e Restauración.