Atención á diversidade nos Ciclos Básicos de Formación Profesional

Nos Ciclos Básicos de Formación Profesional ofrécense varias posibilidades para acceder á oferta formativa no caso do alumnado con necesidade específica de apoio educativo ou necesidades educativas especiais. O alumnado poden optar por:

• Solicitar admisión nos Ciclos Básicos pola reserva para persoas con discapacidade. 
• Solicitar flexibilización modular: Temporalización distinta ou cursar o ciclo de xeito fragmentado. 
• Cursar programas específicos adaptados ás súas necesidades.

Estas medidas veñen reguladas en:

• ORDEN de 5 de agosto de 2014 por la que se regulan aspectos específicos para la implantación de las enseñanzas de formación profesional básica en el curso académico 2014/15.
• ORDE do 13 de xullo de 2015 pola que se regulan as ensinanzas de formación profesional básica na Comunidade Autónoma de Galicia, así como o acceso e a admisión nestas ensinanzas.
• Instrucións Consellería de Educación en 2023.

1. SOLICITAR ADMISIÓN POLA RESERVA PARA PERSOAS CON DISCAPACIDADE:

• Do total de postos escolares que se ofrezan en cada ciclo (20 prazas), reservarase un 10 por cento para estudantes que teñan recoñecida unha discapacidade. Aproximadamente corresponden 2 prazas por ciclo.
• Para os efectos de ocupar postos escolares en cada ciclo, este alumnado computará o dobre.
• Para a admisión haberá que presentar o certificado de discapacidade, só no caso de que non se autorice á consulta por parte da administración, ou se o organismo que emitiu o certificado no pertenze á Comunidade Autónoma de Galicia. 

2. FLEXIBILIZACIÓN MODULAR:

• DESTINATARIOS: Alumnado con necesidades específicas de apoio incluídos os alumnos con Necesidades Educativas Especiais. 
• Este alumnado poderá ser autorizado para cursar os módulos do ciclo formativo, mantendo a carga semanal prevista con carácter xeral para cada curso académico:

a) Cunha temporalización e distribución por cursos distinta á establecida con carácter xeral.

b) Excepcionalmente, de xeito fragmentado por cursos cunha ampliación a dous ou a tres anos.

• O procedemento de solicitude de flexibilización modular será o seguinte:

Logo de comezado o curso académico e realizada a sesión de avaliación inicial, a dirección do centro presentará a solicitude no servizo territorial de inspección educativa correspondente para que se emita informe ao respecto. Á solicitude deberáselle xuntar a seguinte documentación:

1. Informe que xustifique a necesidade da medida, elaborado polo Departamento de Orientación ou polo Departamento de Información e Orientación Profesional en colaboración co profesor ou a profesora que exerzan a titoría.
2. Conformidade expresa do pai e da nai, ou de quen teña asignada a representación legal do alumno ou da alumna, en caso de ser menor de idade, ou a súa propia, se é maior de idade.
3. Fotocopia compulsada do expediente académico.
4. Proposta da nova distribución horaria para cursar as ensinanzas, no caso dunha temporalización e distribución distinta á xeral, ou proposta de desenvolvemento curricular de cada módulo en máis dun ano, no caso da fragmentación por cursos e, de ser o caso, de medidas de reforzo educativo ou de adaptación do currículo dentro dos límites previstos na normativa vixente.

O servizo territorial de inspección educativa remitiralle toda a documentación, xunto co seu informe, ao xefe ou á xefa territorial da Consellería de Cultura, Educación e Ordenación Universitaria, a quen lle corresponderá a autorización ou denegación da flexibilización.

Por iniciativa tanto do servizo territorial de inspección educativa como da xefatura territorial, poderáselle requirir ao equipo de orientación específico a elaboración dun informe complementario ao respecto.

• O prazo para presentar as solicitudes de flexibilización perante o servizo territorial de inspección educativa será ata o 31 de outubro de cada curso académico.
• A resolución da autorización da flexibilización comunicarase ao centro no prazo dun mes, para a súa comunicación á persoa interesada.

3. PROGRAMAS ESPECÍFICOS ADAPTADOS:

• DESTINATARIOS: Alumnado con necesidades educativas especiais. 
• Este alumnado poderá cursar programas formativos adaptados ás súas necesidades que lles permitan dar continuidade á súa traxectoria académica ou profesional, nos centros educativos que a consellería con competencias en educación autorice. 
• Os programas formativos terán unha duración dun curso académico. 
• Estes programas inclúen módulos profesionais de títulos profesionais básicos e outros módulos de formación apropiados para a adaptación ás súas necesidades. Esta formación complementaria seguirá a estrutura modular e os seus obxectivos estarán definidos en resultados de aprendizaxe, criterios de avaliación e contidos. 
• Os programas formativos incluirán os seguintes módulos profesionais de títulos profesionais básicos:

a) Módulos asociados ao bloque común: Comunicación e sociedade I, e Ciencias aplicadas I.
b) Módulos asociados a unidades de competencia incluídos nalgún título de formación profesional básica.
c) Módulo de Formación en centros de traballo.

• O alumnado matriculado nun programa formativo e que non o supere poderá repetir o programa unha soa vez. 
• O módulo de formación en centros de traballo poderá ser obxecto de avaliación unicamente en dúas convocatorias. 
• O alumnado que curse estes programas poderáselle realizar adaptación curricular nos módulos asociados aos bloques comúns e poderan solicitar tamén flexibilización modular. 
• O alumnado que supere un programa formativo e se incorpore a un ciclo formativo soamente terá que realizar as actividades de ensino e aprendizaxe dos módulos profesionais pendentes de superar.

OFERTA DE PROGRAMAS FORMATIVOS: 
En Galicia temos a seguinte oferta de programas formativos: ENLACE