Calendario escolar Galicia 2018 / 2019

Publícase a Orde do 28 de maio de 2018 pola que se aproba o calendario escolar en Galicia para o curso 2018/2019 nos centros sostidos con fondos públicos. O Calendario abrangue 175 días lectivos.

CALENDARIO ESCOLAR GALICIA 2018/2019

COMEZO E REMATE DO CURSO:

• Educación Infantil (2º ciclo), Educación Especial e Educación Primaria: Do 12 de setembro ao 21 de xuño, ambos incluídos.
• Educación Secundaria e Formación Profesional: Do 17 de setembro ao 21 de xuño, ambos incluídos. 
• Ensinanzas de Réxime Especial: Do 17 de setembro ao 28 de xuño.

COMEDORES ESCOLARES. Os comedores escolares funcionarán en:

• Educación primaria desde o día 12 de setembro ata o 21 de xuño.
• Educación secundaria obrigatoria, desde o día 17 de setembro ata o 21 de xuño.

PERÍODOS DE VACACIÓNS:

• Nadal: desde o día 22 de decembro ata o día 7 de xaneiro.
• Entroido: días 4, 5 e 6 de marzo.
• Semana Santa: desde o día 13 ao 22 de abril.

DÍAS NON LECTIVOS:

• Día do Ensino: 7 de decembro de 2018. 
• Festivos locais, da Comunidade ou de ámbito estatal. 
• Un día ou dous días non lectivos propios do centro no caso de que os festivos locais non coincidan con días de clase. 

PERÍODO DE ADAPTACIÓN DO ALUMNADO DE EDUCACIÓN INFANTIL:

O período de adaptación do alumnado de educación infantil que se incorpora por primeira vez ao centro terá a mínima duración posible que permita acadar os seus obxectivos e, en todo caso, non se poderá prolongar máis de 10 días lectivos desde a data de inicio das clases.

PROBAS FINAIS E PROBAS EXTRAORDINARIAS:

• ESO: O alumnado de ESO con materias pendentes de cursos anteriores será convocado, de ser o caso, a unha proba final durante o mes de maio de 2019.
• Bacharelato: Antes do 21 de xuño. O alumnado de 2º de bacharelato con materias pendentes de cursos anteriores será convocado, de ser o caso, a unha proba final que se adecuará ás datas previstas para a ABAU. A convocatoria extraordinaria destas probas deberá realizarse antes do 21 de xuño de 2019. As probas finais da convocatoria extraordinaria do segundo curso de bacharelato realizaranse entre o 17 e o 21 de xuño de 2019.

CONMEMORACIÓNS: Durante o curso escolar celebraranse, como mínimo, as seguintes conmemoracións:

• 20 de novembro de 2018: Día Universal da Infancia. 
• 25 de novembro de 2018: Día Internacional contra a Violencia de Xénero. 
• Do 3 ao 10 de decembro de 2018: conmemoración da Constitución e do Estatuto de autonomía de Galicia. 
• 3 de decembro de 2018: Día Internacional das Persoas con Discapacidade. 
• 10 de decembro de 2018: Día da Declaración Universal dos Dereitos Humanos. 
• 30 de xaneiro de 2019: Día Escolar da non Violencia e da Paz. 
• 8 de marzo de 2019: Día Internacional da Muller. 
• 15 de marzo de 2019: Día Mundial dos Dereitos do Consumidor.
• Do 11 ao 15 de marzo de 2019: Semana da Prensa. Un día desta semana traballarase na aula con xornais.
• 7 de abril de 2019: Día Mundial da Saúde. 
• Entre o 23 e o 26 de abril de 2019: Semana do libro.
• 2 de maio de 2019: Día Internacional contra o Acoso Escolar.
• 9 de maio de 2019: Día de Europa. 
• Do 13 ao 17 de maio de 2019: Semana das Letras Galegas. 
• 5 de xuño de 2019: Día Mundial do Medio Ambiente.

ENLACE COA ORDE NA WEB DA CONSELLERÍA