Mónica Diz Orienta: Convocadas as probas de acceso a ciclos de FP de grao medio e superior en Galicia 2025

lunes, 24 de febrero de 2025

Convocadas as probas de acceso a ciclos de FP de grao medio e superior en Galicia 2025

Publicouse a Orde do 4 de febreiro de 2025 pola que se regulan as probas de acceso aos ciclos formativos de grao medio e de grao superior de formación profesional do sistema educativo, e se convocan para o ano 2025.

PRAZOS DE INSCRICIÓN:

CICLOS MEDIOS: Entre o 24 de febreiro e o 12 de marzo de 2025, ambos os dous incluídos.
CICLOS SUPERIORES: Entre o 24 de febreiro e o 12 de marzo de 2025, ambos os dous incluídos.

DATAS DOS EXAMES:

PROBAS CICLOS MEDIOS: 24 de abril 2025
PROBAS CICLOS SUPERIORES: 15 de mario 2025

REQUISITOS DE INSCRICIÓN:

CICLOS MEDIOS: Non cumprir requisitos de acceso directo e ter alomenos 17 anos no 2025.
CICLOS SUPERIORES: Non cumprir requisitos de acceso directo e ter alomenos 19 anos no 2024.

CONSULTAR EXENCIÓNS E DOCUMENTACIÓN: Orde do 4 de febreiro de 2025

SOLICITUDE DE INSCRICIÓN:

As solicitudes presentaranse preferiblemente por vía electrónica a través do formulario normalizado de solicitude, anexo I (código de procedemento ED312C), dispoñible na aplicación informática «Ciclosprobas» (https://www.edu.xunta.gal/ciclosprobas/PaxinaInicio.do) accesible desde a sede electrónica da Xunta de Galicia, https://sede.xunta.gal. Para a presentación das solicitudes poderá empregarse calquera dos mecanismos de identificación e sinatura admitidos pola sede electrónica da Xunta de Galicia, incluído o sistema de usuario e clave Chave365 (https://sede.xunta.gal).

A solicitude tamén pode entregarse na secretaría dun centro calquera que imparta FP. Para isto hai que cumplimentar o documento (anexo I código de procedemento ED312C) a través da seguinte aplicación: https://www.edu.xunta.es/ciclosprobas/PaxinaInicio.do, e a continuación xerar o documento que se deberá imprimir e presentar nun centro educativo.

No caso de solicitantes menores de idade poderán realizar a solicitude a través da aplicación informática as persoas titulares da patria potestade ou os representantes legais.

O centro de inscrición elixido pola persoa solicitante tomarase como referencia para a asignación da sede de realización da proba de acceso.

PERSOAS QUE ACREDITEN DISCAPACIDADE OU TDAH:

As persoas con necesidades específicas derivadas de alteracións físicas, psíquicas ou sensoriais cun grao de discapacidade igual ou superior ao 33% poderán solicitar as medidas ou os recursos adicionais necesarios para desenvolver a proba de acceso.

Quen solicite proba adaptada deberao facer constar expresamente no momento da inscrición.

Ademais tamén poderán solicitar a adaptación das probas as persoas diagnosticadas de trastorno por déficit de atención e hiperactividade (TDAH). A solicitude de proba adaptada farase constar expresamente na solicitude de inscrición e xuntaráselle a xustificación documental do diagnóstico de TDAH (informe médico e informe psicopedagóxico se o houber).

A adaptación da proba que deben superar estas persoas deberá respectar o esencial dos referentes de avaliación establecidos para as probas de acceso aos ciclos formativos de grao medio ou grao superior.

CONSERVACIÓN DA CUALIFICACIÓN DAS PARTES SUPERADAS:

En caso de ter superada alguna parte da proba nas dúas convocatorias anteriores (2023 e 2024) pódese solicitar a conservación da cualificación, neste caso non é posible examinarse de novo das partes superadas.

VIXENCIA DAS PROBAS:

Ver disposición adicional segunda e disposición adicional terceira da Orde do 4 de febreiro de 2025.

DATAS E HORARIOS DA PROBA:

(Lembrar que hai que acudir á proba co DNI e a copia do impreso de inscrición que se realizou).

1. As probas de acceso aos Ciclos de Grao Medio terán lugar o día 15 de maio de 2025 no horario que se indica a seguir:

Ás 9.00 horas: presentación.
Das 9.30 ás 13.00 horas: parte matemática (matemáticas) e parte sociolingüística (lingua castelá, lingua galega, ciencias sociais).
Das 16.00 ás 18.00 horas: parte científico-técnica (ciencias da natureza, tecnoloxía).

2. As probas de acceso aos Ciclos de Grao Superior terán lugar o día 24 de abril de 2025 no horario que se indica a seguir:

Ás 9.00 horas: presentación.
Das 9.30 ás 13.00 horas: Parte común da proba (matemáticas, lingua galega e lingua castelá).
Das 16.00 ás 18.30 horas: Parte específica da proba (materias específicas da opción vinculada ao ciclo formativo ao que se desexe acceder, segundo o anexo II e VII da resolución).