Mónica Diz Orienta: Instrucións para a admisión en Arte Dramática 2019

miércoles, 15 de mayo de 2019

Instrucións para a admisión en Arte Dramática 2019

A Consellería de Educación publica as instrucións para o acceso a Arte Dramática en 2019 na Resolución do 29 de abril.

Imaxe da ESAD de Galicia

REQUISITOS DE ACCESO:

1º Cumprir un dos seguintes requisitos académicos:

Título de Bacharelato ou equivalente. No caso de ter materias pendentes de bacharelato poderanse inscribir no proceso de acceso e admisión e realizar a dita proba, e no caso de superala, poderán optar á asignación da praza solicitada, unha vez estean en posesión do título de bacharelato.
Título de licenciado ou graduado universitario
Ter superada a Proba de acceso á universidade para maiores de 25 anos.
Para os que non cumpren os requisitos académicos e teñen 18 anos ter superada unha proba de acceso. ENLACE.

2º Superar unha Proba específica:

Superar unha proba específica, obrigatoria para todos os que soliciten admisión e cumpran os requisitos académicos.
De conformidade co establecido no artigo 4.1 da Orde do 21 de novembro de 2016, a proba específica de acceso aos estudos superiores de Arte Dramática terá por obxecto demostrar que o aspirante posúe a madureza, os coñecementos e as aptitudes para cursar con aproveitamento estes estudos, e axustarase ao disposto no artigo 5 da citada orde, segundo a especialidade para a que se opte.
A superación da proba sólo faculta ó aspirante para participar no proceso de admisión.

INSCRICIÓN:

Prazo comprendido entre o 14 de maio e o 7 de xuño de 2019.
Os aspirantes con discapacidade poderán solicitar adaptación das probas.
Resérvanse prazas para deportistas de alto rendemento e/ou nivel.
Con carácter xeral, as solicitudes deberán realizarse de maneira telemática cubrindo o formulario dispoñible en www.edu.xunta.es/reximeespecial, e empregando o certificado dixital ou sistema de usuario e clave Chave365 (https://sede.xunta.gal/chave365).
Non obstante, tamén se poderá formalizar a inscrición directamente na Secretaría da Escola superior de Arte Dramática de Galicia.

PROBA DE ACCESO PARA QUEN NON CUMPRA OS REQUISITOS ACADÉMICOS:
17 de xuño de 2019 no IES As Fontiñas, de Santiago de Compostela.
Ver horarios e características da proba na Resolución do 29 de abril de 2019.

PROBA ESPECÍFICA:

- Data e lugar de celebración: Comezarán o 1 de xullo de 2019 na sede da Escola Superior de Arte Dramática de Galicia de acordo co calendario establecido polos tribunais de cada especialidade.

- Proba específica según especialidades:
A proba está regulada no artigo 5 da Orde do 21 de novembro de 2016.

INTERPRETACIÓN: Un mínimo de dúas sesións de traballo cunha duración non superior a catro horas cada unha, nas cales se realizarán diferentes actividades expresivas propias da especialidade, e nunha entrevista persoal.
DIRECCIÓN DE ESCENA E DRAMATURXIA: Como mínimo, nun traballo escrito que implicará o desenvolvemento dunha proposta escénica, nun exercicio breve de dirección de grupos, na escrita dun texto breve a partir dunha situación dramática, e nunha entrevista persoal.
ESCENOGRAFÍA: Como mínimo, na realización dun debuxo do natural e dun deseño escenográfico a partir dos motivos que en cada caso se propoñan, e nunha entrevista persoal.

Ver horarios e características da proba na Resolución do 29 de abril de 2019.
MÁIS INFORMACIÓN DAS PROBAS: Enlace á ESAD.

PUBLICACIÓN DAS LISTAS DE ADMITIDOS NA ESAD:
A partir do 11 de xullo de 2019.

MATRÍCULA:

O alumnado que obteña praza deberá formalizar a súa matrícula entre os días 15 e 29 de xullo de 2019.

PROCESO EXTRAORDINARIO DE ACCESO:
No caso de quedaren prazas vacantes, a Dirección Xeral de Educación, Formación Profesional e Innovación Educativa poderá establecer probas de acceso extraordinarias na primeira quincena de setembro.

ENLACES: